WAZIRI JAFO ATAKA WANANCHI KUACHA KUCHANGANYA MAZAO

Na.Mwandishi Wetu

WAZIRI wa Viwanda na Biashara Mhe Dkt Selemani Jafo ametoa rai kwa Watanzania kuacha kuchanganya mazao ili kutokuharibu au kupunguza thamani ya mazao hayo katika soko la kimataifa na kuharibu taswira ya Tanzania.

Dkt.Jafo ameyasem ahayo mara baada ya kutembelea Ghala la Mpako linalotumia Mfumo wa Stakabadhi ghalani wakati wa ziara yake maalum Wilaya ya Liwale, Mkoa wa Lindi yenye lengo la kukagua utekelezaji wa Miradi ya Maendeleo na kuongea na Wananchi wa Maeneo hayo ikiongozwa na Kauli Mbiu isemayo “Rais Samia na Maendeleo Wasikie na Waone”.

Aidha ameliagizza Shirika la Viwango Tanzania (TBS) kuendelea kusimamia na kufuatilia ubora wa Mazao hayo yanayohifadhiwa na kuuzwa kupitia Mfumo wa Stakabadhi Ghalani na Wakala wa Vipimo (WMA) kuhakikisha mizani zote nchini zinapima mazao kwa usahihi

“Nimeridhika na ujenzi wa ghala hili niwaombe sana watanzania muache kuchanganya mazao ndugu zangu hivyo naiagiza Bodi ya Usimamizi wa Stakabadhi za Ghala (WRRB) ndani ya siku 20 kukaa kikao na Bodi ya Korosho ili kufanya tathimini ya siku ngapi zinafaa kutoa korosho gharani huku wakifanya utafiti wa kina kuhusu suala la unyaufu katika zao la Korosho ili kuhakikisha wananchi wanafaidika na mazao yao ya kilimo.”amesema Dkt.Jafo

Aidha, katika ziara yake Wilayani humo amebainisha kuwa fedha zilizotolewa na Serikali ya Awamu ya Sita kwa ajili ujenzi shule za sekondari na zahanati imetumika vizuri na miradi hiyo imejengwa katika kiwango kinachohitajika na amewataka Watoto wa shule hizo kusoma kwa bidii ili wawe viongozi wa siku zijazo.

Waziri Jafo alikagua ujenzi wa shule mpya ya Sekondari ya Kata ya Kichonda, pamoja na kuweka jiwe la msingi kwenye ujenzi wa Zahanati katika kijiji cha Ngorongopa, jiwe la Msingi kwenye Ujenzi wa Bweni la Watoto Maalum katika shule ya Msingi Kambarage na alizindua jengo la vyumba 3 vya madarasa na matundu 3 ya vyoo katika shule ya Msingi Luiza Mlelwa.

Akiongea na Wananchi wa Liwale Dkt Jafo amesema Serikali ya Awamu ya Sita itaendele kutatua changamoto mbalimbali walizonazo ikiwemo kuweka mindominu wezesheshi ya barabara , maji na umeme ili luhakikisha uchumi wa nchi hii inaongea na kukuza uchuma

Naye Mkuu wa Wilaya ya Liwale Mhe Goodluck Mlinga ameishukuru Serikali ya Awamu ya Sita kwa kutekeleza miradi mbalimbali ya maendeleo Wilayani humo na kuahidi kuwa Wilaya yake itaendelea kusimamia Miradi hiyo kikamilifu na kuwataka Wananchi wa Wilaya hiyo kutumia fursa za miradi hiyo ili kukuza uchumi na kuleta maendeleo ya Wilaya hiyo na Taifa kwa ujumla. Wananchi na watoto wa lowale wanapata huduma stahiki wamepokea vifaa vya kisaaa

Naye Mkurugenzi Mtendaji wa Bodi ya Usimamizi wa Stakabadhi za Ghala (WRRB) Bw. Asangye Bangu alibaimisha kuwa atatekeleza maelekezo yaliyotolewa na kuwataka Wananchi kuendelea kutumia Mfumo wa Stakabadhi Ghalani unaowawezesha wakulima kuuza mazao hayo kwa bei nzuri na kuwataka Wananchi hao kuweka ghalani mazao yenye ubora unaotakiwa.